📖Contacontos no CRA📖

No mes de maio, dúas alumnas voluntarias de 6º A baixaron ao CRA Raíña Aragonta para facer unha actividade moi interesante... Cal credes que foi??

A actividade consistíu en contarlle o conto de "Monstruo Rosa" de Olga de Dios ás xeracións máis novas de Salceda de Caselas. As nenas prepararon e escenificaron o argumento do conto o mellor que puideron para que os nenos e nenas de 3, 4 e 5 anos pasaran un momento entretido. 

Aquí tedes un par de fotografías para inmortalizar esta actividade tan especial!!

👥Club de Lectura 6º👥

O día 14 de xuño fíxose na biblioteca  o Club de Lectura co alumnado de 6º de primaria que decidiu asistir voluntariamente. 

Despois da mañá, o alumnado quedou a comer no colexio. Posteriormente, organizáronse en equipos para facer unha gimkhana con probas acerca dos libros "Bala Perdida" de Manuel Rivas e "La señorita Bubble" de Ledicia Costas. 

O alumnado pasou unha tarde entretida e diferente no colexio Altamira. Gracias por vir nenos e nenas!!

Aquí tedes un vídeo con fotos deste día de Club de Lectura. 

📒 Letras Galegas📒

O 17 de maio conmemorouse no Altamira a Día das Letras Galegas. Este ano a autora á que se lle dedicou este día foi a escritora, filóloga e violinista Luisa Villalta. 

O voluntariado da biblioteca fixo unha caricatura da autora co obxectivo de expoñela na entrada do colexio. 

A maiores, dende os distintos niveis  e ciclos organizáronse actividades diversas para coñecer a biografía desta autora, unha das actividades foi asistir a unha obra de teatro onde falaban da súa vida. 

A continuación, deixámosvos un vídeo con imaxes das actividades realizadas para conmemorar este día tan especial na nosa comunidade.

📖Visita de Pablo Prado📖

O día 16 de maio, o alumnado do terceiro curso recibiu unha visita moi especial. 

O ilustrador Pablo Prado visitou a bilioteca de Sabidiña para falar do seu libro "Nerea. A invasión dos trastos". 

Tanto os nenos e nenas de 3º como o ilustrador pasaron unha sesión moi agradable falando sobre o libro que previamente leran.

Para finalizar a visita, Pablo asinoulles os libros ao alumnado e deixou a súa dedicatoria no libro das visitas da biblioteca e no mural feito polo alumnado. 

Moitas gracias pola visita Pablo, ata a próxima!!