👥📖 Formación de usuarios📖 👥

Como xa dixemos anteriormente, a semana pasada inaugurouse a biblioteca e o voluntariado do equipo de biblio foi o encargado de facer a formación de usuarios en todas as clases. 

Cada curso tivo que baixar na súa hora de biblioteca para que unha parella de voluntarios puideran ensinarlle ao alumnado os novos recunchos da bilio, os libros que se poden emprestar, as actividades organizadas durante os recreos e as normas que teñen que cumplir para poder gozar deste espazo do colexio. 

Unha vez feita esta formación, os nenos e nenas do Altamira xa están preparados para poder utilizala e gozala con responsabilidade. 

O equipo de biblioteca queremos felicitar e agradecer ao noso equipo de voluntarios e voluntarias por facelo tan ben a pesar dos nervios e da vergoña. Estamos moi contentas e orgullosas!!

Deixámosvos a continuación un vídeo con fotografías da formación de usuarios realizada ao longo da semana pasada. Desexamos que vos guste. 

🌰🍂Exposición Froitos de outono🍂 🌰

Como todos os anos no outono, o Equipo de Biblioteca coa colaboración do Equipo de Dinamización da Lingua Galega e o Equipo de Actividades Complementarias e Extraescolares, organizou unha exposición de Froitos de Outono. 

Como o proxecto deste ano é o baile e a música, a exposición tiña que estar relacionada con esta temática. Os traballos organizáronse por ciclos na aula de audiovisuais para que as familias puideran velos e disfrutalos.

As familias e o noso alumnado tiveron ideas moi orixinais e sorprendentes, e quedou unha exposición moi variada e outonal. 

Queredes ver algúns dos traballos expostos? Reproducide o seguinte vídeo de fotografías e desfrutade das creacións do nos alumnado e das súas familias. 

Parabéns e gracias a todos e todas as que participaron. Sodes uns artistas!!

📢 INAUGURAMOS A BIBLIO!!📢

Onte, luns 21 de outubro, a biblioteca abríu as súas portas para recibir ao noso alumnado. Como xa mencionamos nos últimos posts, este verán a biblioteca do Altamira estivo en obras pon mor de ampliala. O alumnado tiña moitas gañas e intriga por ver a súa nova biblioteca e, onte, por fin puideron vela. 

A partir de onte, o alumnado xa pode ir durante os recreos á biblioteca para participar nas actividades organizadas polo quipo de biblio. 

Ao longo desta semana, o voluntariado da biblioteca será o encargado de facer a formación de usuarios de todo o colexio. Para iso, cada curso terá que baixar na súa hora de biblio, xa que alí estará esperando unha parella de voluntarios para comezar a formación. 

Aproveitando a mención do voluntariado, queremos darlle as gracias por todo o traballo feito ao longo destes meses, xa que traballaron moito para que a biblioteca puidera abrirse canto antes. 

Aquí deixámosvos un vídeo con fotografías que mostran a ampliación e o cambio da nosa biblioteca, e o grandioso traballo do noso voluntariado. 

Por certo, este xoves, aproveitando que é o Día das Bibliotecas Escolares e que o proxecto deste ano é o baile e a música, farase unha inauguración musical coa colaboración dalgunhas mestras do colexio. Así que o alumnado poderá asistir á inauguración durante o recreo. 

Desexamos que vos guste a nova biblioteca e que a disfrutedes moito. Soamente pedímosvos unha cousa, coidádea moito!!

👜 Mochilas viaxeiras 👜

A nosa biblioteca está a piques de abrir as súas portas para recibir á comunidade educativa. Mentres, o alumnado do Altamira poderá levar algúns dos libros da biblio para casa coa chegada das... MOCHILAS VIAXEIRAS!!

Durante o inicio do curso, o equipo de biblioteca estivo renovando as mochilas e cadernos viaxeiros para que o alumnado poida disfrutar delas un curso máis. Aquí tedes unha foto co contido de cada mochila: 

Ao longo desta semana, cada curso foi recibindo a súa mochila cos libros que poderán levar para súa casa e así poder lelos en familia. Unha vez lidos todos, recollerán no caderno viaxeiro unha aportación do libro que máis lle gustou, algo que melloraría do seu contido, un debuxo da personaxe que máis lle entretivo, ou o que máis lle apeteza. 

Unha vez que un alumno ou alumna reciba a mochila, terá un tempo limitado para disfrutala e, despois, terá que devolvela para que poida levala outro compi. 

As Mochilas Viaxeiras é unha iniciativa que lle gusta moito ao alumnado do noso cole, e a nós, as mestras, tamén. 

Dende o equipo de biblio queremos pedirvos dúas cousas: a primeira é que a coidedes moito e, a segunda, que a disfrutedes aínda máis!! Desexamos que vos gusten!!