Recomendacións para o verán

 Xa temos aquí as recomendacións da biblioteca para este verán. Disfrutade das cosas vacacións con un bo libro nas mans. 

🎁 Agasallos Bibliotecas Escolares 🎁

Que sería de Bibliosabidiña sen os seus voluntarios? Dende Bibliotecas Escolares enviáronnos uns agasallos para os nosos alumnos. Moitas grazas a todos!

 

🎤 Colaborando con Radio Altamira 🎤

Aínda non participaches no concurso "O Podcast do mes"? Aínda estades a tempo este mes, animádevos a participar!

 

📗 Contacontos dos venres 📗

Este venres, Irene, María e Laura, voluntarias de sexto curso, deleitáronnos co contacontos do libro XA VOOOUUU! Velaquí unha mostra do seu traballo. Moitas grazas a todas!

 

👧 Contacontos na Galiña Azul 👦

 As voluntarias de sexto María, Laura, Vera, Irene Iglesias e Irene Gómez levaron o conto XA VOOOUU! á escola infantil A Galiña Azul. Deixámosvos unha mostra e esperamos que vos guste! Moitas grazas a todos!

 

 

🏡 Visita de Andrea Maceiras 🏡

Hoxe o alumnado de 6º A, 6º B e 6º C recibiu a visita de Andrea Maceiras, autora, entre outras obras, da nosa lectura deste curso Alma de elefante. Pasamos moi bos momentos, descubrindo que alma tiñamos cada un, escoitando a súa experiencia como escritora ou adicándonos os nosos libros. Todo un placer contar coa súa visita. Esperamos volver a vela pronto polo cole para compartir novas lecturas e aventuras!

🔖 Letras Galegas 2023 🔖

Este 17 de maio adicouse o Día das Letras Galegas a Francisco Fernández del Riego, que foi un intelectual e un dos fundadores da Editorial Galaxia. Sabías que foi inspirador do primerio Día das Letras Galegas, fai 60 anos? E que tamén foi presidente da Real Academia Galega? Aquí deixámosvos unha pequena mostra das actividades feitas polos voluntarios de 5ºA e 5º B de Bibliosabidiña.

Club de lectura 6º

Deixámosvos unha mostra das xornadas co club de lectura de sexto curso. Compartimos moitas experiencias de lectura e diversión. Unhas xornadas inolvidables. Moitas grazas por participar!

 

 

📖 Día do libro Gañadores do concurso "Que me contas?" 📖

Con motivo do Día do libro 2023, Bibliosabidiña organizou o concurso "Que me contas?", no que o alumnado que participou nos apadriñamentos lectores fixeron unha historia en banda deseñada sobre o libro que leron. Deixámosvos unhas fotografías cos debuxos seleccionados. Grazas a todos por participar!

 

🏡 Visita do autor Anxo Iglesias 🏡

 Recibimos a visita do autor Anxo Iglesias. Compartimos bos momentos e experiencias literarias. Tamén houbo tempo para xogar coa lingua e mesmo cantar. Deixámosvos un video coa visita e a entrevista que lle fixeron os alumnos en Radio Altamira. Só tedes que picar no enlace máis abaixo. Esperamos volver a velo pronto polo noso cole. Moitísimas grazas!

 

 

Entrevista a Anxo Iglesias

 https://www.ivoox.com/entrevista-a-anxo-iglesias-audios-mp3_rf_108291722_1.html        

 

 

 

 

🏡 Visita da autora Sabela Gago 🏡

Recibimos a visita da autora Sabela Gago. Compartimos bos momentos, experiencias literarias e mesmo fixemos teatro! Esperamos volver a vela pronto polo noso cole. Moitísimas grazas!

 

💫 Proxecto EconectaTV 💫

Este ano, Bibliosabidiña colaborou nunha experiencia práctica de Educación Primaria, que artellaba o traballo colaborativo, tanto entre profesorado coma alumnado, para crear unha curtametraxe integrado no tema e eixe conductor do PLAMBE  (O cine). Aquí tedes a ligazón para saber un pouco máis!

https://www.youtube.com/@ProxectaEconectaTV

📕 Día do Libro 2023 📗

Que sería de nós sen os libros? Aquí deixámosvos unha mostra das actividades organizadas na Bibliosabidiña con motivo do Día do Libro. Tivemos contacontos, entrega de agasallo, obradoiro de marcapáxinas e apadriñamentos. Uns días frenéticos!

 

🏡 Visita do autor Pere Tobaruela 🏡

  Recibimos a visita do autor Pere Tobaruela. Compartimos bos momentos e experiencias literarias xuntos. Esperamos volver a velo pronto polo noso cole. Moitas grazas!

🏝 Venres de contacontos Daniel Pirata 🏝

Os venres facemos contacontos en Bibliosabidiña. Nesta ocasión Irene e María deleitáronnos coa historia de Daniela Pirata. Moitas grazas a todos!

 

Os xoves musicais de abril

 Velaquí unha mostra dun dos nosos xoves musicais. Moitas grazas a todos os que participáchedes!

 

O club de lectura de quintos

  En marzo fixemos unhas xornadas de convivencia co voluntariado de quinto curso. Compartimos moitas experiencias de lectura e diversión. Unhas xornadas inolvidables. Moitas grazas por participar!

🏅 Premios Guasgalegando de marzo 🏅

E velaquí, en colaboración co Equipo de Dinamización da Lingua Galega, os premiados do concurso Guasgalegando do mes de marzo. Moitas grazas a todos os que participáchedes e parabéns aos premiados!

 

❤ Día da poesía ❤

Este 21 de marzo conmemoramos o Día Mundial da Poesía, cos nosos voluntarios de quinto nivel. Deixámosvos un video resumo e os audios do recitado de diferentes poemas. Esperamos que vos gusten e moita poesía para todos!

Día da banda deseñada

 Hoxe é 17 de marzo e conmmemórase o Día da banda deseñada e na biblio temos moitos libros neste formato, anímate a lelos!

❀ Colaboración Xornadas da Camelia ❀

Os nosos voluntarios colaboraron con esta camelia para a XIV Edición das Xornadas da Camelia, que teñen lugar no noso concello esta fin de semana. Esperamos que vos guste!

🎖 Premios de cine 🎖

 E seguimos traballando o noso proxecto O Cine, neste caso a través dunha exposición de premios "Goya", por parte do alumnado de 5ºA.

 

📑 Semana da Prensa 📑

 Do 5 ao 9 de marzo traballamos a prensa cos nosos voluntarios. Que importante é estar informados do que acontece ó noso arredor e, sobretodo, que importante e complexo é estar ben informado. Con estas actividades quixemos visibilizar e resaltar a importancia da prensa nas nosas vidas.

💁 O 8 de marzo 💁

 

Dende Bibliosabidiña queremos dar a nosa especial homenaxe a tódalas mulleres e nenas que protagonizan as nosas lecturas. Deixámosvos tamén unha mostra do traballo dos voluntarios nestes días. Moitas grazas a todos e esperamos que vos guste!

🐦 ELAS 🐦

 E porque ELAS tamén son as protagonistas de moitas historias...aquí tedes unha escolma de lecturas en feminino.

Teatro "O punto da escarola"

Os rapaces de quinto curso, do obradoiro de teatro, representaron non cole e tamén na Residencia da 3ª Idade a obra " O punto da escarola". Éxito rotundo para esta compañía, que sacáronnos unha morea de sorisos.

 
 

Día de Rosalía de Castro

 Como cada 23 de febreiro, quixemos homenaxear á nosa galega máis ilustre, Rosalía de Castro. Estes son algúns dos traballos que fixeron os voluntarios co gallo de tan sinalada data. Esperamos que vos gusten!

 

 

🥁 Os xoves musicais 🎸

Deixámosvos unha mostra do que pasa os xoves na nosa Bibliosabidiña. Potenciamos a linguaxe expresiva na súa vertente máis emocional e a posta en valor dese tesouro que a ninguén deixa indiferente: a música. 

 

🎉🎉 Entroido en Bibliosabidiña 🎉🎉

Video do Entroido e entrega de agasallos das postais 14 F

 Deixámosovos un video que reflexa o moito que traballaron os nosos voluntarios de Bibliosabidiña para que todo estivera a punto para a gran festa do Entroido, uha mostra dos disfraces de tódolos niveis e a entrega de agasallos con motivo do 14 de febreiro. Moitas grazas a todos por colaborar e boas vacacións cheas de diversión!

💖 O 14 de febreiro 💘

💥 DÍA INTERNACIONAL DA MULLER E A NENA NA CIENCIA 💜

 

O 11 de febreiro é unha iniciativa cidadá para conmemorar o Día Internacional da Muller e a Nena na Ciencia, para visibilizar o traballo das mulleres que se adican ás áreas STEM (Science, Technology, Engineering and Mathematics). Co gallo desta data, unhas nais químicas, viñeron a ofercernos uins experimentos do máis sorprendentes a todo o alumnado de segundo curso. Moitas grazas a todas e a seguir investigando!

📽 Unhas recomendacións de película 📽

 

💫 E que facemos hoxe no recreo? 💫

 Se queredes saber que pasa en Bibliosabidiña nos tempos de recreo...aquí tedes unha mostra fotográfica. Apetéceche aprender sobre robótica, artes plásticas, escoitar un conto, xogar...pois non dubides en pasar polos nosos recreos creativos.

 

 

 

Día Escolar da Non Violencia e a Paz

 O 30 de xaneiro, como cada ano, conmemoramos o Día da Paz. Para esta data tan importante, dende Bibliosabidiña levamos a cabo varias actividades como:

O mural "Pecha os ollos e pensa na paz, que ves?, no que o alumnado expresouse libremente sobre o tema,  o ´"Buzón dos pensamentos bonitos", no que o alumnado escribiu ou debuxou algo bonito a outro compañeiro. Tamén fixemos un recitado de poemas a cargo dos voluntarios de 6º B e un contacontos a cargo de Marta e María, de 5º D.

Estes foron os nosos pequenos xestos, aínda que sabemos, a paz debémola cultivar tódolos días do ano. Velaquí deixámosvos unha mostra das actividades: