🐄Pintiñas🐄

Como xa sabedes, á volta de Nadal comeza a ruta das Pintiñas polas diversas clases do noso colexio. 

Hai unha pintiña por ciclo, que vai cargadiña de libros de distintas tipoloxías adaptados ás idades e aos gustos do alumnado propio do ciclo (cociña, narrativa, poesía, cómic, xornáis, revistas...). 

Cada clase terá quince días para poder ler e gozar de todos os libros durante a hora de ler. Unha vez pasadas esas dúas semanas, a Pintiña seguirá a súa ruta noutro grupo, e así sucesivamente ata rematar a ruta. 

Queredes ver algúns dos libros novos que están nas tres pintiñas? Prestade atención á seguinte fotografía!!

Desexamos que vos gusten moito e os disfrutedes!! Non vos esquezades de coidalos para que poidan durar moito tempo!!

📖Contacontos no CRA 📖

Durante o primeiro trimestre, algúns alumnos e alumnas de 4ºB decidiron preparar e representar un contacontos. O libro que decidiron representar tiña como título "La familia de Basilia". 

Como o preparon tanto e o fixeron tan ben, estaban preparados para representalo diante dos nenos e nenas do CRA Raíña Aragonta. Así que, no mes decembro, baixaron a ensiñarlles todo o traballo realizado ás xeracións máis novas. As nenas de 4º prepararon e escenificaron o argumento do conto o mellor que puideron para que os nenos e nenas de 3, 4 e 5 anos pasaran un momento entretido. 

Cabe destacar que algunhas alumnas voluntarias da biblioteca baixaron tamén xa que eran as encargadas do son e do atrezo e tamén eran as presentadoras do contacontos. 

Aquí tedes un vídeo con fotografías desta marabillosa actividade realizada no CRA!! Se os sabe a pouco e queredes ver a actuación enteira, podedes ver o vídeo de abaixo e gozar de cada minuto dela!!

🎭Obra de teatro na biblio🎭

Durante o primerio trimestre, o alumnado de 4ºC decidiu preparar unha obra de teatro coa súa mestra. No mes de decembro, decidiron representala na nosa biblioteca tendo como público ao alumnado máis pequeno do colexio. 

Esta obra tiña como título "Espíritu de la Navidad" e como protagonistas a todos os nenos e nenas de 4ºC. Queredes ver algún fragmento desta magnífica representación? Dádelle ao clic e disfrutade dela!!

📞Guasgalegando 1º trimestre📞

Voltamos un curso máis co concurso Guasgalegando, para seguir potenciando o uso do galego no noso día a día. 

A proposta do primeiro trimestre consistiu en inventar unha pócima máxica, de máximo catro versos, para ser máis felices no CEP Altamira. Todas as pócimas tiñan que escribirse en galego. O alumnado puido participar voluntariamente neste concurso enviando nun whatsapp as súas respostas. 

A continuación deixámosvos fotos dos gañadores e gañadoras deste concurso. Cada un deles fixeron a súa propia chapa!! Parabéns aos gañadores e ás gañadoras e moitas gracias a todos os participantes!! 

🌲Obradoiro de papiroflexia🌲

Xa damos comezo a un novo trimestre, e por ende, a novas actividades e obradoiros que seguiremos realizando na nosa biblioteca. 

Pero antes de comezar a ensinarvos estas novas actividades, queremos mostrarvos o último obradoiro realizado co alumnado voluntario na biblioteca durante o mes de decembro. Queredes saber en que consistíu? 

Este obradoiro tiña como obxevtivo aprender a facer árbores de Nadal mediante a técnica de papiroflexia. O resultado deste obradoiro foron arboliños moi orixinais. Queredes ver o resultado? Se a resposta é si clicade no seguinte vídeo. 

🎴 Resolución do concurso de postáis de Nadal🎴

Aquí vos deixamos as postais gañadoras do XII Concurso de Postais de Nadal celebrado este ano. Queredes saber cales foron as gañadoras? 

Aquí tedes unha fotografía coas postais gañadoras en cada nivel. Prestade atención!!

Queremos felicitarvos por participar no concurso e animarvos a seguir participando o curso que ben. Parabéns as gañadoras!! Desexamos que vos gustara o agasallo. 

Para rematar este trimestre, dende o Equipo de Biblioteca queremos mandarvos un agarimoso saúdo a toda a Comunidade Educativa e desexarvos unhas felices festas!! Vémonos á volta, familia!!

🎅Recomendacións lectoras de Nadal🎅

O mes de decembro xa chegou e as vacacións de Nadal están moi cerca... Por este motivo, dende a biblioteca de Sabidiña fixemos unha selección de lecturas recomendadas para cada curso.

Así que... agora que comeza o Nadal, podémoslle pedir a Papá Noel, aos Reis Magos ou ao Apalpador estes libros tan orixinais e divertidos. Non vos esquezades deles, porque á volta os leremos durante o momento lector todos e todas xuntas!! Desexamos que vos gusten estas recomendacións!!

Deixámosvos a continuación imaxes do tríptico onde aparecen as lecturas recomendadas para cada nivel. 

📖Mércores de contacontos📖

Para finalizar o mes de decembro, un grupo de alumnas e un alumno de 4ºB decidiron organizar, preparar e representar un contacontos. 

Elixiron o conto La familia de Basilia de Gracia Iglesias. Elas foron as encargadas de preparar a lectura e de representar o conto ao resto do alumnado do colexio no recreo dun mércores.  O alumnado de 4º estaba un pouco nervioso, pero fixéronno moi ben. 

Queredes ver o resultado final? Clicade no seguinte vídeo e gozade desta magnífica representación teatral na biblio Altamira. 

Gracias por lernos!!

📚Club de lectura de 6º📚

No mes de decembro (máis concretamente os días 2, 3 e 9) fixemos na biblioteca os Clubes de Lectura con algúns dos voluntarios e voluntarias de 6º de primaria. 

Ao longo deses días, despois da mañá, o alumnado quedou a comer no colexio. Posteriormente, organizáronse para traballar os libros "Bala Perdida" de Manuel Rivas e "La señorita Bubble" de Ledicia Costas facendo actividades diversas.

O alumnado pasou unha tarde entretida e diferente no colexio Altamira. Gracias por vir nenos e nenas!!

Aquí tedes un vídeo con fotos destes días de Club de Lectura na nosa biblioteca!!

💚💜Día das Persoas con Discapacidade💛💙

O 3 de decembro é o Día Internacional das Persoas con Discapacidade, e a longo de toda esa semana o voluntariado da biblioteca estivo facendo un paraugas na entrada do colexio co lema: "Baixo o mesmo paraugas". 

O obxectivo deste paraugas é concienciar ao alumnado de que non todos somos iguais e de que hai que respectar a diversidade. Pese as diferencias, todos merecemos ser tratados ben y vivir e gozar dos nosos dereitos e oportunidades. 

A maiores, dende as titorías falamos da importancia de conmemorar este día e visualizamos, escoitamos e analizamos a canción e o vídeo "Valientes" do grupo Xeración M. 

Se queredes ver un vídeo con fotografías do deseño e elaboración do paraugas e a canción de valentes, clicade no seguinte vídeo. 

Durante toda a semana houbo uha exposición de libros na biblioteca sobre a diversidade para que o alumnado puidera lelos e reflexionar. Recordade sempre que o medo é a máis grande discapacidade!

🎄 Concurso de Postais de Nadal🎄

Como todos os anos, dende a Comisión de Biblioteca propoñemos a participación no XII concurso de Postais de Nadal.

A participación no concurso é voluntaria, e o tema do concurso é o Nadal, o inverno ou tamén pode relacionarse co Proxecto da Biblioteca deste curso: "Queres bailar? Únete ao Altamira que a festa está por chegar".

Deixámosvos na seguinte ligazón as bases para poder participar no concurso, tedes como plazo para entregar as postais o xoves 12 de decembro. 

- Bases do concurso.

Dende o equipo de biblioteca animámosvos a participar!!