📖Contacontos e Guasgalegando📞

Os mércores é dia de facer contacontos na biblioteca, e o pasado mércores 31 de xaneiro algunhas das nosas voluntarias da biblio fixeron un sobre o conto "Monstruo Rosa" de Olga de Dios. 

Elas encargáronse de preparar a lectura, a vestimenta e de ir avisando a todo o alumnado do cole para que asistiran ao evento. Fixérono moi ben!! 

Mentres algunhas alumnas lían o conto, outras o representaban. Aos nenos e nenas encantoulles!! Moitas gracias polo voso traballo voluntarias!!

A continuación, deixámosvos o vídeo para que poidades ver fotos da actividade. 

Para rematar este post, queremos deixar algunhas fotos dos alumnos e alumnas que gañaron o Guasgalegando durante o primeiro trimestre. Cada un deles gañaron unha chapa!! Parabéns ao gañador e ás gañadoras e moitas gracias a todos os participantes!!

♡ Día da Ilustración e da Paz ♡

Onte, 30 de xaneiro, conmemorouse no colexio o Día da Ilustración e mais o Día da Non Violencia e da Paz. Por iso, dende a biblioteca fixéronse diferentes actividades relacionadas.

O día da Ilustración celébrase como cada ano o 30 de xaneiro, coincidiendo co nacemento de Castelao. Este ano 2024 homenaxeouse ao ilustrador histórico galego CHICHI CAMPOS. Dende a nosa biblioteca, as voluntarias Eire e Mei fixeron un podcast na nosa radio (Radio Altamira) para falar dunhas das súas ilustradoras favoritas: PAULA CHESHIRE. 

A continuación, deixámosvos a ligazón ao podcast de Paula Cheschire e un agradecemento para as nosas voluntarias por facer esta actividade. 

Ademais do día da Ilustración, o 30 de xaneiro tamén foi día de conmemorar a Non Violencia e a Paz. Dende a nosa biblioteca traballamos o conto "Lo que no le gusta a la guerra" e as nosas voluntarias Candela e Ángela F. presentaron un podcast sobre este conto traballado. Queredes escoitalo? Se a resposta é SI podedes clicar na seguinte ligazón para escoitalo: Podcast "O que non lle gusta á guerra".

Podedes ver no seguinte vídeo algunhas fotos das actividades realizadas na biblio para conmemorar o día da Paz.

Para rematar este post, queremos deixarvos a variedade de contos relacionados coa temática da Paz que están dispoñibles na nosa biblioteca. Desexamos que vos gusten!! Gracias por lernos!!

📖 Visita de Esteban Souto📖

O 15 de decembro recibimos no colexio Altamira unha visita moi especial... O autor e ilustrador Esteban Souto sorprendeu ao alumnado do colexio, dende os máis pequenos ata o maiores. 

Durante a visita falou do seu conto "MALDIÑO, a vergoña da familia" e ensinoulles técnicas para facer ilustracións. 

Ao final da visita, deixou unha dedicatoria no libro das visitas da biblioteca de Sabidiña e sacou fotos co alumnado. Foi un momento moi entretido!!

Moitas gracias pola visita Esteban Souto, ata a próxima!!

Deixámosvos a continuación un vídeo con fotos da visita. 

💚3 DE DECEMBRO💜

 Decembro foi un mes cargadiño de datas importantes ademais do Nadal. 

O 3 de decembro foi o Día Internacional das Persoas con Discapacidade. Por ende, desde a biblioteca do Altamira traballamos o libro "Pedro o piloto de Gaivotas" co alumnado voluntario da biblioteca. 

Despois de ler o libro, fixemos un mural e un debuxo da portada lo libro para darlle visibilidade a este día e ás persoas que presentan algún tipo de discapacidade. 

Deixámosvos un vídeo con fotos do alumnado voluntario traballando. Gracias por lernos!!

🎄 Concurso de Postais de Nadal🎄

Este Nadal, dende a biblioteca do colexio fíxose como tódolos anos o Concurso de Postais para que o alumnado de todos os niveis puidera participar voluntariamente. 

O alumnado participou moito e fixeron postais moi orixinais e navideñas!! Esta semana, o xurado do concurso elexiu as postais gañadoras de cada curso. Cada gañador e gañadora obtivo como regalo un libro personalizado, tendo en conta os seus gustos lectores. Que xurado máis xeneroso!!

A continuación, deixámosvos unha imaxe cos nomes dos gañadores e gañadoras e as postais premiadas. 

Tamén vos deixamos a ligazón para ver un vídeo con fotos das actividades realizadas durante este Nadal. 

Gracias a todos e todas as que participáchedes e parabéns aos gañadores e gañadoras do concurso!!

Feliz Nadal e próspero ano novo, familias!! Vémonos á volta!!

Felicitación de Nadal

📚🎅Lecturas recomendadas e Novidades de Nadal 📚🎅

O mes de decembro xa chegou e as vaccacións de Nadal están moi cerca... Por este motivo, dende a biblioteca de Sabidiña fixemos unha selección de lecturas recomendadas para cada curso.

Así que... agora que comeza o Nadal, podémoslle pedir a Papá Noel ou aos Reis Magos estes libros tan orixinais e divertidos. Non vos esquezades deles, porque á volta os leremos durante o momento lector todos e todas xuntas!! Desexamos que vos gusten estas recomendacións!!

Deixámosvos a continuación o enlace para que poidades ver estas recomendacións para cada curso en formato pdf!!

- Recomendacións lectoras

Para rematar este post, querémosvos ensinar algunhas das novidades lectoras dispoñibles na biblioteca para este Nadal. Cando queirades podedes ir no recreo ou durante a sesión de préstamo lector para poder lelos e consultalos. Desexamos que vos gusten!!

Bo Nadal a todos e todas dende a biblioteca do Altamira e gracias por lernos!!

📖 Contacontos no CRA 📖

Ola de novo comunidade educativa!!

Fai unhas semanas, o alumnado voluntariado da biblioteca pertencente ao curso 6º C baixaron ao CRA Raíña Aragonta para facer unha actividade moi interesante... Cal credes que foi??

A actividade consistiu en contarlle contos ás xeracións máis novas de Salceda de Caselas. Para iso, o alumnado voluntario organizouse en tres pequenos grupos para lerlles e representarlles un conto aos alumnos e alumnas de 3, 4 e 5 anos.

Os libros elixidos para contarlle aos máis pequenos foron os seguintes tres: 

1. "O moco máis rico do mundo". 
2. "Luuume!
3. "Pero que terá Tomasa?". 

O alumnado do Altamira fíxoo moi ben e xunto co alumnado do CRA pasaron un momento moi ameno!!

A continuación, deixámosvos un vídeo con fotografías desta actividade tan especial!!

💟 25 DE NOVEMBRO💟

O mes de Novembro foi un mes de celebracións na bilioteca do Altamira!! 

Como xa sabedes, o 25 de Novembro foi o Día Internacional para a Eliminación da Violencia contra as Mulleres. O alumnado voluntario da bilioteca de Sabidiña traballou moito e fixo diferentes carteis e debuxos para decorar o colexio con motivo desta data tan significativa. 

Adornaron o colexio con carteis reivindicando a eliminación de estereotipos de xénero. Algúns exemplos destes lemas foron: 

• "As cores non teñen xénero".
• "Os deportes non teñen xénero".

Ademais, o 27 de novembro, toda a comunidade educativa fomos á praza do Concello para apoiar ás mulleres que sofren ou sufriron este tipo de violencia co noso lema:

POÑAMOS FIN A ESTE MAR DE BÁGOAS

A continuación, deixámosvos un vídeo con fotos do alumnado traballando e tamén do acto realizado no Concello. Gracias por lernos!!

📚 Club de lectura 6º 📚

Como todos os anos, damos comezo ao Club de Lectura no colexio Altamira!!

Nesta ocasión co alumnado de sexto de educación primaria. Para iso, entregámoslles os seus respectivos libros na biblioteca de Sabidiña. Os títulos dos libros foron: "La señorita Bubble" de Ledicia Costas e "Bala Perdida" de Manuel Rivas. 

Durante esta entrega de libros comimos e rimos moito... pero tamén traballabamos!! Fixemos chuvias de ideas e xogos nas tablets. 

Deixámosvos imaxes e un vídeo para que vexades a cara de felicidade do alumnado máis vello do cole durante este día tan marabilloso!! 

Gracias por lernos!!! Ata a próxima publicación!!

🎃 Obradoiro de Samaín 🎃

O mes de outubro finalizou coa conmemoración do Samaín no Altamira!! 

Unha das actividades que se fixeron na biblioteca para contribuír a esta celebración foi a realización dun obradoiro de Samaín para o alumnado voluntario da biblioteca. 

Este obradoiro foi dirixido pola mestra Ana e nel fixeron cousas terroríficas!! A continuación deixámosvos un vídeo con fotos deste marabilloso obradoiro!!

🌰 Exposición de froitos de outono 🌰

A semana pasada o alumnado do Altamira fixo unha exposición grandiosa de obras de arte sobre os Xogos Olímpicos, temática do proxecto deste ano,  utilizando como recurso principal os froitos de outono (landras, castañas, follas...). Esta iniciativa organizouse coa colaboración do equipo de Dinamización da Lingua Galega e tamén coa do equipo de Actividades Complementarias e Extraescolares.

O alumnado foi moi participativo, xa que fixeron cousas moi orixinais e creativas. Deixámosvos a continuación un vídeo con algúns exemplares destas marabillosas creacións.

Gracias ao alumnado, profesorado e as familias pola súa colaboración!!