Entrega de premios do concurso de postais

No festival de Nadal tivo lugar a entrega de premios do concurso de postais. No vídeo pódese ver o momento da entrega ás alumnas gañadoras. 

Noraboa a todos os participantes e, especialmente, ás persoas premiadas! Equipo de Biblioteca

Concurso de postais de Nadal na biblioteca do Altamira

Un ano máis, a biblioteca do Altamira celebrou o tradicional Concurso de postais de Nadal, cunha magnífica participación do alumnado.

Baixo a temática "Universo/Nadal", as postais tiñan que presentarse en galego, destacando pola súa orixinalidade e creatividade. O resultado foi unha colección de traballos cheos de cor, imaxinación e mensaxes cargados de maxia.

Tras unha difícil deliberación, debido ao alto nivel, oito foron as postais gañadoras. No festival de Nadal celebrado o último día de curso, as persoas premiadas recibiron un pequeno agasallo como recoñecemento ao seu traballo e creatividade. Na seguinte imaxe aparecen as gañadoras do concurso, ás que felicitamos, así como a todo o alumnado participante polo seu entusiasmo e implicación.

Bo Nadal e felices lecturas!

Recomendacións lectoras de Nadal

O Nadal é un momento perfecto para agasallar historias, compartir lecturas e deixar que a imaxinación viaxe todo o lonxe que queiras.

Dende a biblioteca do CEP Altamira fixemos unha selección de libros recomendados para cada nivel educativo, pensados para desfrutar na clase, na casa ou en familia. Porque é mellor compartir que competir: hai estrelas para todos.

Equipo de Biblioteca

Club de Lectura de 6º

O Club de Lectura de 6º mergullouse esta semana nun marabilloso libro de Ledicia Costas "A señorita Bubble". 

Equipo de Biblioteca

3 de decembro, Día Internacional das Persoas con Discapacidade

Hoxe na biblioteca vivimos unha xornada moi especial. Con motivo do 3 de decembro, Día Internacional das Persoas con Discapacidade, quixemos encher o espazo de cores, reflexión e lecturas que nos axudan a comprender mellor o valor da diversidade.

O alumnado participou decorando as ventás con debuxos, mensaxes e símbolos cheos de ledicia, lembrándonos que cada persoa é única e que todas temos algo marabilloso que achegar.

As ventás quedaron preciosas: un mosaico de mans, estrelas, cores e figuras que representan inclusión, respecto e empatía.Tamén preparamos unha selección de contos e álbumes ilustrados relacionados coa temática.

A nosa biblioteca sempre será un lugar onde todas as persoas teñen un sitio, onde a diferenza nos enriquece e onde aprender a convivir é unha aventura diaria.

Todas as capacidades suman. 

Todas as persoas importan.

Equipo de Biblioteca

Comeza o XIII Concurso de Postais de Nadal!

Un ano máis, a Biblioteca Escolar do centro, pon en marcha o noso xa tradicional Concurso de Postais de Nadal, unha actividade que busca promover a creatividade, a expresión artística e o uso da nosa lingua entre o alumnado.

No documento PDF que vos achegamos a continuación, podedes consultar todas as bases do concurso, así como os prazos e indicacións necesarias para participar.

Pinchade aquí: Descargar bases do concurso (PDF)

Agardamos con ilusión as vosas creacións!

Equipo de Biblioteca

Día Internacional da Eliminación da Violencia contra a Muller

Este 25 de novembro o noso colexio volveu unirse para conmemorar o Día Internacional da Eliminación da Violencia contra a Muller co lema "Sementemos o amor e erradiquemos a violencia"

As voluntarias de 6º foron as encargadas de deseñar e elaborarar un fermoso mural, situado xusto fronte á biblioteca escolar.  Ademais, o alumnado que asistiu á biblioteca, puido realizar diferentes actividades relacionadas con esta data.

Todas as clases do centro fixeron unha flor especial, onde cada pétalo contiña unha mensaxe relacionada co 25N: palabras de apoio, reflexións sobre a igualdade... No acto, que tivo lugar na praza do Concello, gardouse un minuto de silencio, un momento emotivo e simbólico. Alí estiveron tamén expostas todas as flores feitas polo alumnado, enchendo a praza de cor e significado.

O Equipo de Actividades Complementarias e Extraescolares xunto co Concello de Salceda de Caselas convocaron a participación voluntaria nun concurso. O concurso consistiu na elaboración dun cartel cun debuxo e cun lema, en galego, que xirase en torno á eliminación da violencia contra as mulleres. Houbo un gañador/a por cada nivel, o cal recibiu unha bolsa de tea coa súa proposta artística impresa. Os agasallos foron entregados durante o acto realizado o mesmo día na praza.

Aquí vos deixamos un pequeno vídeo no que podedes ver ao alumnado traballando na biblioteca, o acto na praza do Concello...

"Por un mundo sen violencia, no que cada voz e cada soño sexa respectado e valorado: hoxe lembramos, hoxe loitamos, hoxe construímos igualdade."

Equipo de Biblioteca

DÍA DA INFANCIA

O  20 de novembro foi o Día Mundial da Infancia, para celebralo, o alumnado de 6º de Primaria creou un mural que lucirá durante unhas semanas xusto diante da nosa biblioteca. 

Este día, alumnado e profesorado, puido acudir en pixama ao colexio como acto conmemorativo. Esta iniciativa xurdiu fai seis anos para reivindicar o dereito das nenas e nenos a crecer en familia, xa que o pixama está asociado a momentos como ler antes de durmir, recibir un bico de boas noites...

                                Todas as nenas e nenos merecen crecer felices.

Equipo de Biblioteca

Sabidiña dalle a benvida ao alumnado de 1º de Primaria

Hoxe visitounos a nosa querida Sabidiña, a formiga máis sabia, curiosa e divertida do cole, visitounos para darlle a benvida ao alumnado de 1º. 

Sabidiña é unha formiga moi traballadora: adora os libros, explora cada estantería e sempre anda na busca de novas historias que contar. 

Cando menos o esperedes, verédela de novo. Está encantada de acompañarvos no voso primeiro gran ano como lectores.

Equipo de Biblioteca

 

FROITOS DO OUTONO

 O alumnado participou na nosa tradicional exposición de "froitos do outono", empregando materiais como cabazas, castañas, landras, follas secas... para crear preciosas composicións.

  Este ano, ademais, o tema do centro levounos ata o espazo: os froitos outonais convertéronse en planetas, foguetes, galaxias...

  Unha exposición chea de creatividade e ledicia, que demostra todo o que se pode facer cando a fantasía e a natureza se unen.

  Esperamos que vos guste o vídeo.

Equipo de Biblioteca

Celebramos o Samaín na biblioteca

Na biblioteca do noso colexio vivimos unha xornada moi especial para celebrar o Samaín!

As voluntarias puxéronse mans á obra e deron renda solta á súa creatividade, creando un fermoso mural no que a protagonista é unha bruxa.

Moitos nenos e nenas visitaron a biblioteca durante esta xornada, na que colorearon, viron algunha película e gozaron de merendas terroríficas.

Non perdades o vídeo co resumo desta celebración tan especial.

Equipo de biblioteca

Bibliotecas Escolares: 24 de outubro

O 24 de outubro, as nosas mestras de música ofreceron unhas actuacións espectaculares na biblioteca do colexio. Durante o tempo de lecer, puidemos desfrutar de bandas sonoras de películas do espazo, que nos transportaron a universos cheos de aventuras e emocións. 

Para rematar, as profesoras acabaron cunha peza temática de Samaín, creando unha atmosfera divertida  e chea de misterio que encantou a todo o alumnado. 

Aquí podedes ver o vídeo das actuacións.

Día das Bibliotecas 2025

O 24 de outubro celebramos o Día das Bibliotecas, este ano baixo o lema "Contra a desinformación: Bibliotecas" As bibliotecas son espazos de confianza, onde atopamos información fiable, aprendemos a contrastar fontes e compartimos coñecemento. Queremos dar as grazas ás nosas voluntarias e voluntarios polo seu entusiasmo, creatividade e colaboración constante. Grazas a vós, a nosa biblioteca é un lugar máis vivo, solidario e cheo de ideas. As bibliotecas fan comunidade. As bibliotecas fan futuro.

Equipo de Biblioteca

NOVIDADES DE OUTONO

Este outono, a biblioteca está chea de novas historias para descubrir. Temos lecturas de Samaín, cheas de misterio e diversión, e tamén aventuras espaciais para viaxar máis alá das estrelas. Bruxas, robots, planetas e moita imaxinación vos esperan. Tócavos elixir a vosa próxima lectura de outono!

Equipo de biblioteca

Formación de usuarios

  

As mochilas viaxeiras xa están de camiño!

Atención lectores e lectoras! As Mochilas Viaxeiras xa están listas para comezar unha nova aventura. Libros, contos, revistas... saen da biblioteca para encher os fogares de historias e bos momentos en familia.

Esperamos que desfrutedes moito esta experiencia e que cada mochila regrese cargada de historias, debuxos e emocións.

Felices lecturas viaxeiras!

Equipo de Biblioteca

Benvidos e benvidas ao novo curso!

 Comezamos un novo curso con moita ilusión, e a nosa biblioteca está chea de novidades. Animádevos a visitala para desfrutar de todos os nosos libros, recunchos e actividades que temos preparadas para vós.

 

Lembrade que ler é soñar cos ollos abertos e en cada libro atopamos unha porta máxica a outros mundos.

A por un ano cheo de aprendizaxes e bos momentos de lectura!

Un saúdo dende o equipo de biblioteca

                   

                                                

🔅Recomendacións de verán e despedida 🔅

Hoxe, 30 de xuño, o curso 2024/25 chegou ao seu fin e, por ende, as portas da nosa biblioteca péchanse ata o vindeiro curso. 

Dende o equipo de biblioteca queremos darvos as gracias por lernos e por estar con nós un curso máis. Tamén queremos darlle as gracias as nosas voluntarias e voluntarios, que sin elas e eles non sería posible organizar e realizar tantas actividades. É un pracer traballar e compartir tempo con vós. Desexámosvos o mellor na nova etapa da vosa vida que comeza a partir de agora. 

A maiores, Sabidiña quere deixarlles ao alumnado do Altamira unhas recomendacións lectoras para que o seu verán sexa aínda máis entretido e divertido. Por certo, non vos esquezades nunca de bailarlle á vida!!

Unha aperta a toda a comunidade educativa. 

FELIZ VERÁN!!!

O equipo de biblioteca. 

🎭Teatro na Galiña azul 🎭

Ao finalizar o curso, un grupo de voluntarias foron á Galiña Azul a representar a obra de teatro "Algo pasa na casa do lobo" de Susanna Isern e Ayesha L. Rubio. 

O persoal da Galiña Azul recibíronnos xenial e pasamos un momento moi agradable co alumnado máis cativo de Salceda. 

Se queredes ver a obra, podedes vela no post anterior onde xa está publicada. Moitas gracias pola acollida, ata unha próxima actividade con vós!! 

🎭 Último teatro do curso 🎭

Para despedir os grupos de teatro, as voluntarias da nosa biblio representaron unha obra do libro "Algo pasa na casa do lobo" de Susanna Isern e Ayesha L. Rubio. 

Despois de moito tempo preparando a obra, representárona na nosa biblio unha das últimas semanas do curso. Fixéronno moi ben, e os máis peques do colexio estiveron moi entretidos. Foi todo un éxito!!

Queredes ver a obra de teatro? Se a resposta é afirmativa, clicade nos seguintes vídeos e gozade dela. Tedes a parte 1 e a parte 2. 

 

Para despedir aos grupos de teatro, o equipo de biblio quixo agradecerlle o seu traballo dándolle como agasallo a mochila de Bibliotecas Escolares Solidarias. Estamos moi contentas co voso traballo e moi agradecidas. Desexamos que sigades así, esforzándovos, traballando e dando sempre o mellor de vós. 

👧Os futuro alumnado coñece a nosa bibio 👦

Nesta última semana do curso, recibimos no noso colexio unha visita moi especial... Os nenos e nenas de 5 anos do CRA Raíña Aragonta visitaron o Altamira para coñecer o seu próximo colexio. 

Foron recibidos con moito agarimo e con diferentes actividades para que os cativos marcharan cunha sensación positiva e con moitas ganas de volver. 

A biblioteca de Sabidiña esperaba por eles cun contacontos protagonizado por algunhas voluntarias da biblioteca. Xuntos decidiron preparar e representar o conto "A mellor sopa do mundo" de Susanna Isern. 

Desexamos que aos cativos lles gustara o contacontos tanto como a nós a súa visita. Vémonos o vindeiro curso rapazada!!

Se queredes ver e entretervos co contacontos realizado, clicade no seguinte vídeo!!

📖 Visita de María Lado 📖

O martes 3 de xuño recibimos no colexio Altamira unha visita moi especial... A escritora María Lado sorprendeu ao alumnado de 3º e de 4ºB para falar do seu libro "Caramomia" no que comparte autoría con Ledicia Costas e o Hematocrítico. O alumnado e a autora pasaron un momento moi agradable. 

Ao final da visita, a escritora asinoulles os libros ao alumnado e deixou unha dedicatoria no libro das visitas da biblioteca de Sabidiña. Foi un momento moi entretido!! Grazas por vir María, ata a próxima!!

📖 Visita Ledicia Costas 📖

O mércores 4 de xuño, ademais de recibir a visita de Sabela Gago, tamén recibimos no colexio Altamira a Ledicia Costas. A escritora galega sorprendeu ao alumnado de 2º para falar do seu libro "Curriño. O can influencer". O alumnado e a autora pasaron un momento moi agradable. 

Ao final da visita, a escritora asinoulles os libros ao alumnado e deixou unha dedicatoria no libro das visitas da biblioteca de Sabidiña. Foi un momento moi entretido!! Grazas por vir Ledicia, ata a próxima!!

📖 Visita Sabela Gago 📖

O mércores 4 de xuño recibimos no colexio Altamira unha visita moi especial... A actriz Sabela Gago sorprendeu ao alumnado de 5º A para falar do conto "Neko" da escritora Eva Mejuto. O alumnado e a actriz falaron do libro e pasaron un momento moi agradable. 

Ao final da visita, deixou unha dedicatoria no libro das visitas da biblioteca de Sabidiña. Foi un momento moi agradable e entretido!! Grazas pola visita Sabela, ata a próxima!!

👪 Familias lectoras 3º trimestre👪

Como xa sabedes, co obxectivo de fomentar a lectura coa familia e para integrar as familias no contexto educativo, o equipo de biblioteca propuxo como actividade o programa de Familias Lectoras para este curso escolar. 

Este consiste en que as familias do alumnado poidan ir ao cole para contarlles un conto aos nenos e nenas do grupo do seu fillo ou filla e así poder coñecer e pasar un ratiño agradable con eles. 

Durante o terceiro trimestre, houbo varios cursos que abriron as portas da biblioteca ou da súa aula para recibir a familiares, como por exemplo 2ºC, 3ºB ou 4ºA. Queredes ver algunhas fotografías? Desexamos que vos gusten. 

🎭🎨Recreos de biblio 🎥 📚

Os recreos na nosa biblio son moi entretidos. Cada día da semana, ademáis de poder ler libremente, organízase algunha actividade diferente. 

• O luns é día de xogos de mesa.
• O martes é día para utilizar os legos e para facer papiroflexia. 
• O mércores é día para preparar contacontos ou para representalos. 
• O xoves é día para pintar e debuxar. 
• O venres é día de cine. 

Todos os días da semana ao longo do curso seguimos a mesma rutina, así os nenos e nenas que non queren ir ao patio poden aprender cousas novas e pasalo ben ao mesmo tempo. 

Deixámosvos a continuación fotografías dalgúns días na biblioteca ao longo do curso facendo todas estas actividades. Gracias por pasar os recreos con nós rapazada!!

            

    

                                                       

              

   

                                                         

            

 

👥Club de lectura 6º👥

O martes 20 de maio celebrouse o Club de Lectura co alumnado de 6º de primaria na biblioteca.  

Despois da mañá, o alumnado quedou a comer no colexio. Ao rematar a comida, recordaron os argumentos  dos libros "Bala perdida" de Manuel Rivas e "A Señorita Bubble" de Ledicia Costas.

Para rematar a tarde, fixeron unha búsqueda do tesouro por grupos con preguntas acerca dos libros. O alumnado pasou unha tarde entretida e diferente no colexio. 

A continuación, deixámosvos un vídeo con fotografías do alumnado de 6º no Club de Lectura. Gracias por vir e por compartir lecturas nenos e nenas!!

💙Letras Galegas 💙

Como xa sabedes, o 17 de maio conmemórase o día das Letras Galegas. Este ano dedicado á poesía popular e ás Cantareiras. 

Por ende, a semana do 12 ao 16 de maio fixemos no colexio diversas actividades para conemorar a nosa lingua e cultura. Houbo unha exhibición do Rancho da Feira, unha sesión de maxia das letras, un obradoiro de instrumentos con material de refugallo e un contacontos dirixido por Caxoto. 

A maiores, o xoves e o venres organizáronse os festivais de Letras Galegas. Tivemos unha semana chea de cultura e de lingua galega no noso centro. 

Dende biblioteca, as nosas voluntarias encargáronse de debuxar e pintar o cartel de Letras Galegas 2025 para expoñer na entrada do colexio. 

A continuación, deixámosvos un vídeo con fotografías desta semana de letras no colexio Altamira. 

📖 Visita Celtia Figueiras📖

O luns 5 de maio recibimos no colexio Altamira unha visita moi especial... a escritora Celtia Figueiras sorprendeu ao alumnado de 1º, 4º e 5º. 

Primeiro, estivo co alumnado de 1º para falar do seu conto "Lúa quere viaxar a... Marte!". O alumnado e a autora falaron do libro e pasaron un momento moi agradable. 

Despois, estivo co alumnado de 5º para realizar un obradoiro denominado "Rachando co guión". O alumnado disfrutou dun teatro de títeres e pasou un momento moi entretido. 

Finalmente, estivo co alumnado de 4ºA e de 4ºD para falar do seu libro "A Banda dos Insectos. Pasando a bóla". A autora e o alumnado tamén pasaron unha seisón moi enriquecedora. 

Ao final da visita, a autora asinoulles os libros ao alumnado de 1º e 4º e deixou unha dedicatoria no libro das visitas da biblioteca de Sabidiña. Foi un día moi completo!!

Deixámosvos a continuación cun vídeo do obradoiro "Rachando co guión" co alumnado de 5º. Moitas gracias por vir, Celtia. Ata a próxima!!

📖Visita Andrea García 📖

O venres 25 de abril recibimos no colexio Altamira unha visita moi especial... a autora Andrea García sorprendeu ao alumnado de 6º para falar do conto "Animais fantásticos de aldea". O alumnado e a autora falaron do libro e pasaron un momento moi agradable. 

Ao final da visita, a autora fíxolles algunha ilustración, asinoulles os libros ao alumnado e deixou unha dedicatoria no libro das visitas da biblioteca de Sabidiña. Foi un momento moi entretido!!

📖 Visita Ana Ulla 📖

O xoves 24 de abril recibimos no colexio Altamira unha visita moi especial... a autora Ana Ulla sorprendeu ao alumnado de 4ºD para falar do conto "Desde el jardín, las estrellas". Ela veu acompañada da ilustradora Rita Landeiro e da asesora pedagóxica Meli Lago. O alumnado e as invitadas falaron do libro e pasaron un momento moi agradable. 

Ao final da visita, saíron ao patio a ver as estrelas, asinaron os libros do alumnado e deixaron unha dedicatoria no libro das visitas da biblioteca de Sabidiña. Foi un momento moi entretido!!

📚DÍA DO LIBRO 📚

O mércores 23 de abril conmemoramos o Día Internacional do Libro no Altamira. A actividade organizada dende a biblioteca foi o apadriñamento lector.

Os más maiores do colexio foron os padriños e madriñas e, os máis pequenos, os apadriñados. Queredes saber cales foron as parellas? O alumnado de 6º apadriñou a 1º,  o de 5º a 3º e o de 4º a 2º. A actividade dividiuse en dúas partes: 

• Na primeira parte, cada grupo de padriños e madriñas tivo que baixar a aula dos seus apadriñados para intercambiar a información sobre o seu xénero musical. Esta información preparouse previamente na clase. 
• A segunda parte, consistíu en que cada parella tivo que crear conxuntamente un pareado nunha plantilla facilitada polo equipo de biblio e despois decorala o mellor posible. Esta parte fíxose no recreo, xa que tivemos un día moi soleado.

Ao finalizar a actividade, algunhas clases intercambiaron marcapáxinas entre elas como agasallo deste día tan especial. 

Así, o alumnado do Altamira creou pareados moi creativos e orixinais. Todos eles están expostos na entrada do colexio para poder lelos, e os máis orixinais foron premiados. Queredes saber quenes foron?No seguinte collage tedes ás persoas gañadoras!! Parabéns!! 

A continuación, deixámosvos un vídeo con fotografías desta actividade de apadriñamento lector no Altamira. Desexamos que vos guste tanto como a nós. 

A maiores, queremos ensinarvos os libros novos que temos na biblioteca relacionados co noso proxecto deste ano: "Queres bailar? Únete ao Altamira que a festa esta por chegar!". Desexamos que vos gusten e e que poidades disfrutalos.